نیٹو کی بمباری ، تین پاکستانی جاں بحق
قلعہ عبداللہ،چمن (مانیٹرنگ ڈیسک) پاک افغان سرحد کے قریب نیٹو کے جنگی طیاروں کے حملے میں پشین سے تعلق رکھنے والے تین افراد جاں بحق ہوگئے۔ اطلاعات کے مطابق پاک افغان سرحد کے قریب ریگستانی علاقے میں نیٹو افواج کے جنگی طیاروں نے حملہ کیا جس کے نتیجے میں تین پاکستانی موقع پر جاں بحق اور 8زخمی ہوگئے، جاں بحق ہونے والوں کا تعلق ضلع پشین سے ہے، لاشیں آبائی گاﺅں پہنچادی گئیں۔
