پاکستان میں 2050 تک سالانہ بنیادوں پر بجلی کی طلب میں 20 فیصد اضافہ ہوگا، ایشیائی ترقیاتی بینک
اسلام آباد (ڈیلی پاکستان آن لائن) ایشیائی ترقیاتی بینک نے موسمیاتی تبدیلیوں کے شعبہ توانائی پر منفی اثرات کے پیش نظر پاکستان کے پالیسی سازوں کے لیے خطرے کی گھنٹی بجا دی۔
ایشیائی ترقیاتی بینک کی رپورٹ کے مطابق موسم کی شدت بڑھنے سے توانائی کی طلب میں تیزی سے اضافے کا امکان ہے۔ اور موسمی شدت کا مقابلہ کرنے کے لیے بجلی کی طلب میں غیرمعمولی اضافے کا خدشہ ہے۔رپورٹ کے مطابق آئندہ 10 سال میں پاکستان میں بجلی کی سالانہ طلب میں 10 فیصد تک اضافہ ہوسکتا ہے۔ سال 2050 تک پاکستان میں بجلی کی طلب سالانہ 20 فیصد سے زائد بڑھنے کا امکان ہے۔2050 تک پاکستان میں گیس کی طلب میں بھی اضافے کا تخمینہ ہے جبکہ پاکستان میں پیٹرولیم مصنوعات کی طلب میں 5 فیصد سالانہ بڑھ سکتی ہے۔
