روشنی سے نم آنکھیں ، تیرگی سے تر چہرے|سلطان اختر|

روشنی سے نم آنکھیں ، تیرگی سے تر چہرے
دوسروں پہ ہنستے ہیں خود سے بے خبرچہرے

رینگتے ہیں سناٹے عارضِ شکستہ پر
اپنے آپ سے خائف یہ کھنڈر کھنڈر چہرے

اس گھنے دھندلکے میں کون کس کو پہچانے
اور کچھ دنوں روئیں اپنے حال پر چہرے

بے نمک تو تھے لیکن اس قدر نہ تھے یعنی
جیسے آج نکلے ہوں قید کاٹ کر چہرے

کس امید پہ آخر اپنے آپ کو دیکھیں
آئینے تو مل جائیں دوستو مگر چہرے

شاعر: سلطان اختر

(شعری مجموعہ: پسِ عرضِ ہنر؛ سالِ اشاعت، 2016)

Roshni    Say   Namm    Aankhen  ,   Teergi   Say   Tar   Chehray

Doosron   Pe   Hanstay   Hen   Khud   Say   Bekhabar   Chehray

Reengtay   Hen   Sannaatay   Aariz-e-Shakista   Par

Apnay   Aap   Say   Khaif   Yeh   Khanadar   Khandar   Chehray

Iss   Ghanay   Dhundlakay   Men    Kon   Kiss   Ko   Pehchaanay

Aor   Kuchh   Dinon   Roen   Apnay   Haal   Par   Chehray

Be   Namak   To   Thay   Lekin   Iss   Qadar   Na   Thay  Yaani

Jaisay   Aaj   Niklay   Hon   Qaid   Kaat   Kar   Chehray

Kiss   Ummeed    Par   Aakhir   Apnay   Aap   Ko   Dekhen

Aaainay   To    Mill    Jaaen    Dosto   Magar    Chehray

Poet: Sultan   Akhtar