احمد شہزاد پرفارم نہ کرنے کے باوجود ٹیم کا حصہ رہنے والے کھلاڑیوں پر برس پڑے

لاہور(ڈیلی پاکستان آن لائن)پاکستانی معروف کرکٹر احمد شہزاد طویل عرصے سے میچز کے دوران پرفارم نہ کرنے کے باوجود ٹیم کا حصہ رہنے والے کھلاڑیوں پر برس پڑے۔

جیو نیوزکے خصوصی پروگرام کے  دوران احمد شہزاد سے کیے گئے ایک سوال نے کھلاڑی کو ماضی اور حال کا موازنہ کرتے ہوئے پرفارم نہ کرنے والے کھلاڑیوں پر برسنے پر مجبور کر دیا۔ان کا کہنا تھا کہ ٹیم میں ’گینگز ہیں، دوستیاں ہیں، ٹولہ ہے‘۔

 احمد شہزاد کا کہنا تھا کہ جب ٹیم کے کپتان شاہد آفریدی تھے وہ لگاتار ٹیم کا حصہ رہے تھے مگر اُن کی پرفارمنس اُس وقت بہت اچھی تھی۔انہوں نے مزید کہا کہ پہلے جو کھلاڑی کچھ میچز میں پرفارم نہیں کرتے تھے اُنہیں تبدیل کر دیا جاتا تھا مگر اب ایسا نہیں ہے، نئے لڑکوں کا ماننا ہے کہ بس ہم ہی ہم ہیں۔احمد شہزاد کا کہنا تھا کہ اب تو 35 سے 40 میچز میں بھی جس کھلاڑی نے اچھا پرفارم نہیں کیا ہے وہ ٹیم کاحصہ ہے۔