کرک،نامعلوم افراد کی پولیس پر فائرنگ،ایس ایچ او شدید زخمی

کرک(ڈیلی پاکستان آن لائن)کرک میں نامعلوم افرادنے گشت پر مامور پولیس اہلکاروں پر فائرنگ کردی جس کے نتیجے میں ایس ایچ او شدید زخمی ہو گیا جس کو طبی امداد کیلئے ہسپتال منتقل کردیا گیا۔
میڈیا رپورٹس کے مطابق تھانہ سلیم شاہ کی حدود میں پولیس اہلکار معمول کی گشت پر تھے کہ اچانک نامعلوم افراد نے فائرنگ کردی جس کے نتیجے میں ایس ایچ او سعید خان شدید زخمی ہو گئے جن کو طبی امداد کیلئے ہسپتال منتقل کردیا گیا،پولیس کے مطابق ایس ایچ او کو ٹانگ اور بازو پر گولی لگی ہے تاہم ان کی حالت خطرے سے باہر بتائی جاتی ہے،پولیس نے علاقے کو گھیرے میں لیکر سرچ آپریشن شروع کردیا۔