انگلینڈ کیخلاف سیریز کیلئے پاکستانی ٹیم کا اعلان کب ہو گا؟ جانیے
لاہور (ڈیلی پاکستان آن لائن )پاکستان اور انگلینڈ کے درمیان 3 ٹیسٹ میچوں کی سیریز کا پہلا ٹیسٹ پیر 7 اکتوبر سے شروع ہوگا۔
ملتان کرکٹ سٹیڈیم کے سکوائر پر 13 پچز موجود ہیں، اطلاعات کے مطابق پچز پر سے گھاس ہفتے کو صاف کی جائے گی، جس کے بعد ٹیم مینجمنٹ 11 رکنی ٹیم کا انتخاب کرے گی۔
انگلینڈ پاکستان کے درمیان دسمبر 2022 میں کھیلے گئے ٹیسٹ میں مہمان ٹیم نے 26 رنز سے کامیابی حاصل کی تھی، یہ مسٹری سپنر ابرار احمد کا ڈیبیو ٹیسٹ تھا جہاں دائیں ہاتھ کے لیگ بریک گگلی بولر نے 11 وکٹیں حاصل کی تھیں۔
ملتان کرکٹ سٹیڈیم میں 2 دن پریکٹس کے بعد جمعے کو پاکستان ٹیم نے آرام کیا، جب کہ انگلینڈ کی ٹیم نے پہلے پریکٹس سیشن میں حصہ لیا۔
