بانی پی ٹی آئی کیخلاف اسلام آبادپولیس میں درج مقدمات کی تعداد76ہو گئی
اسلام آباد(ڈیلی پاکستان آن لائن)بانی پی ٹی آئی عمران خان کیخلاف درج مقدمات کی تفصیل اسلام آباد ہائیکورٹ میں جمع کرا دی گئی، عدالت نے نورین نیازی کی درخواست نمٹا دی۔
نجی ٹی وی سما نیوز کے مطابق اسلام آباد ہائیکورٹ میں نورین نیازی نے بانی پی ٹی آئی کیخلاف مقدمات کی تفصیل کیلئے درخواست پر سماعت ہوئی،نیب اور ایف آئی اےکی جانب سے مقدمات کی تفصیلات عدالت میں جمع کرا دی گئی،خیبرپختونخوا، سندھ اور بلوچستان کےمقدمات کی رپورٹ بھی عدالت میں جمع کرا دی گئی،صوبوں میں درج مقدمات کی رپورٹ سیکرٹری داخلہ کی جانب سے جمع کرائی گئی،عدالت نے مقدمات کی تفصیلات فراہمی کے بعد نورین نیازی کی درخواست نمٹا دی۔
اسلام آباد پولیس نے بانی پی ٹی آئی کیخلاف مقدمات کی رپورٹ عدالت میں جمع کرا دی،بانی پی ٹی آئی کیخلاف اسلام آبادپولیس میں درج مقدمات کی تعداد76ہو گئی،پی ٹی آئی احتجاج کے بعدبانی پی ٹی آئی کے خلاف اسلام آباد میں مزید 14مقدمات درج ہوئے، بانی پی ٹی آئی کیخلاف اس سے قبل اسلام آباد میں 62مقدمات درج تھے۔
