تیسراٹی 20:پاکستان کا زمبابوے کیخلاف ٹاس جیت کربیٹنگ کا فیصلہ 

بلاوائیو(ڈیلی پاکستان آن لائن)3میچز پر مشتمل ٹی 20سیریز کے تیسرے اور آخری میچ میں پاکستان نے زمبابوے کیخلاف ٹاس جیت کر بیٹنگ کا فیصلہ کیا ہے۔

تفصیلات کے مطابق پاکستان اور زمبابوے کے درمیان تیسرا اور آخری ٹی ٹوئنٹی میچ آج کھیلا جا رہا ہے،پاکستان کو سیریز میں 2 صفر کی فیصلہ کن برتری حاصل ہے اور سیریز میں وائٹ واش کیلئے پرعزم ہے۔
قومی ٹیم نے بینچ سٹرینتھ چیک کرنے کیلئے میچ کیلئے 4 تبدیلیاں کی ہیں، اس طرح پاکستان اپنے تمام کھلاڑیوں کو سیریز میں موقع دے گا۔
پاکستان کی پلیئنگ الیون کا اعلان گزشتہ روز ہی کردیا گیا تھا، اوپنر صائم ایوب، فاسٹ بولر حارث رﺅف، سپنر ابرار احمد اور عرفان خان نیازی کو آرام دیا گیا ہے۔ٹیم میں کپتان سلمان آغا، عمیر بن یوسف، صاحبزادہ فرحان، عثمان خان، طیب طاہر شامل ہیں۔قاسم اکرم، عارف منہاس، جہانداد خان، عباس آفریدی، محمد حسنین اور سفیان مقیم بھی ٹیم کا حصہ ہیں۔