حیدرآباد: وکلا ءاور ڈی آئی جی کے درمیان مذاکرات کامیاب، 15گھنٹوں سے جاری دھرنا ختم

حیدرآباد: وکلا ءاور ڈی آئی جی کے درمیان مذاکرات کامیاب، 15گھنٹوں سے جاری ...
حیدرآباد: وکلا ءاور ڈی آئی جی کے درمیان مذاکرات کامیاب، 15گھنٹوں سے جاری دھرنا ختم

  IOS Dailypakistan app Android Dailypakistan app

حیدرآباد(ڈیلی پاکستان آن لائن )حیدرآباد میں رات گئے ایس ایس پی آفس میں ڈی آئی جی حیدرآباد طارق دھاریجو اور وکلاء کے درمیان ہونے و الے کامیاب مذاکرات کے بعد وکلاء نے دھرنا ختم کردیا۔
نجی ٹی وی" جیو نیوز "کے مطابق بھٹائی نگر پولیس نے گزشتہ روزحیدرآباد میں علی رضا ایڈووکیٹ کے خلاف جعلی نمبر پلیٹ لگانے کے الزام میں جعلسازی اور فراڈ کی دفعات کے تحت مقدمہ درج کر کے کار تحویل میں لے لی تھی۔
وکلا برادری نے منگل کی دوپہر 2بجے ایس ایس پی آفس حیدرآباد میں دھرنا دیا۔ ان کا مطالبہ تھا کہ بھٹائی نگر تھانے کے ایس ایچ او اور ایس ایس پی حیدرآباد فرخ لنجھار کو برطرف کرکے مقدمہ ختم کیا جائے۔
دوسری جانب ایس ایس پی فرخ لنجھار کا مؤقف تھا کہ آئی جی سندھ کی ہدایت پر گاڑیوں میں سیاہ شیشے اوربغیر نمبر پلیٹ گاڑیوں کے خلاف کارروائی کی گئی جس کے دوران 3 پولیس افسران سمیت50 افراد پر مقدمات درج کیے گئے ہیں۔
ان کا کہنا تھا کہ قانون سب کے لیے برابر ہے، وکیل کی جس گاڑی کو روکا گیا تھا اس کی نمبر پلیٹ نہیں تھی۔
ڈی آئی جی طارق دھاریجو نے وکلاء سے مذاکرات کے بعد کہا کہ وکلاء اور پولیس بھائی ہیں، وکلاء برادری کا مطالبہ پورا کریں گے۔
وکلاء نے میڈیا سے گفتگو کرتے ہوئے بتایا کہ ڈی آئی جی سے بات چیت ہوئی ہے ، مذاکرات میں یہ طے پایا ہے کہ ایس ایس پی کا ٹرانسفر ہوگا۔