تحریک انصاف کے ایک اور اہم رہنما کو الیکشن لڑنے کی اجازت مل گئی

 ایبٹ آباد( ڈیلی پاکستان آن لائن) تحریک انصاف کے رہنما عمر ایوب کے کاغذات منظور ہو گئے  اور الیکشن ٹربیونل نے  انہیں الیکشن لڑنے کی اجازت دے دی ہے۔ریٹرننگ افسر نے تحریک انصاف کے رہنما عمر ایوب کے این اے 18 ہری پور سے کاغذات نامزدگی مسترد کیے تھے جس کے خلاف انہوں نے الیکشن ٹربیونل نے پٹیشن دائر کی تھی ۔الیکشن ٹربیونل نے این اے 18 سے عمر ایوب پر اعتراض کرنے والے بابر نواز کی درخواست پر سماعت کی جس دوران دونوں نے ایک دوسرے کے خلاف اپنے اعتراضات واپس لے لیے۔

 الیکشن ٹربیونل نے اعتراضات واپس لینے کے بعد دونوں امیدواروں کو این اے 18 سے الیکشن لڑنے کی اجازت دیتے ہوئے ان کے کاغذات منظور کرلیے۔