سعودی شہزادہ ولید بن طلال کی والدہ وفات پا گئیں

 ریاض(آئی این پی )سعودی عرب کے شاہی خاندان کے معروف رکن اور دنیا کے امیر ترین افراد میں شامل شہزادہ ولید بن طلال بن عبدالعزیز کی والدہ شہزادی مونا رضائے الہی سے انتقال کر گئیں۔

 خاندانی ذرائع کے مطابق شہزادی مونا کی نماز جنازہ  اتوار کو  دارالحکومت ریاض کی مسجد امام ترکی بن عبداللہ میں نماز عصر کے بعد ادا کی جارہی ہے۔ 

شہزادی مونا کا انتقال سعودی عرب کے شاہی خاندان اور عوام کیلئے ایک بڑا صدمہ ہے۔ ان کی شخصیت نہ صرف شاہی خاندان کیلئے بلکہ عوام میں بھی عزت و احترام کی حامل تھی۔ ان کے انتقال کی خبر نے سعودی شاہی خاندان اور عوام کو غمگین کر دیا ہے۔

 واضح رہے کہ شہزادی مونا کا شمار ان شخصیات میں ہوتا تھا جنہوں نے شاہی خاندان کے وقار کو بلند رکھنے میں اپنا اہم کردار ادا کیا،وہ اپنی سادگی اور عوام دوستی کیلئے جانی جاتی تھیں۔ سعودی عرب کے مختلف شہروں میں ان کے انتقال پر تعزیتی پیغامات کا سلسلہ جاری ہے۔شاہی خاندان کے افراد اور دنیا بھر کے معززین نے ان کے انتقال پر گہرے دکھ کا اظہار کیا ہے۔