ورسٹائل اداکار اقبال حسن برسی 14نومبر کو منائی جائے گی
لاہور(فلم رپورٹر) پنجابی فلموں کے ورسٹائل اداکار اقبال حسن برسی 14نومبر کو منائی جائے گی۔ اقبال حسن پاکستان پنجابی فلموں کے آل راؤنڈر سمجھے جاتے تھے انہوں نے 300سے زائدفلموں میں اداکاری کے جوہر دکھائے۔ پاکستانی پنجابی فلموں میں سلطان راہی کی فلم مولا جٹ کے بعد اقبال حسن کی فلم شیر خان کو بے پناہ شہرت حاصل ہوئی۔اقبال حسن کو 80کی دہائی میں عروج حاصل تھا ان کی بے شمار فلموں نے شہرت حاصل کی وہ14نومبر 1984ء کوایک ٹریفک حادثہ میں انتقال کر گئے ان کے بعد ان کے بھائی تنظیم حسن کو پنجابی فلموں میں متبادل کے طور پر متعارف کروایا گیا لیکن وہ کامیاب نہ ہو سکے۔
