معروف اداکار عابد علی کی5ویں برسی آج منائی جائے گی
لاہور(فلم رپورٹر)پی ٹی وی کے معروف اداکار عابد علی کی5ویں برسی آج منائی جائے گی۔ ٹیلی ویژن نگری میں شہرت کی بلندیوں کو چھونے والے صدارتی ایوارڈ یافتہ اداکار عابد علی 1952میں کوئٹہ میں پیدا ہوئے۔عابد علی کو امجد اسلام امجد کے لکھے ہوئے ڈرامے وارث سے شہرت حاصل ہوئی۔انھوں نے سینکڑوں ٹیلی ویژن ڈراموں اور درجنوں فلموں میں کام کیا 1985 میں عابد علی کو پرائڈ آف پرفارمنس سے بھی نوازا گیا۔ خواہش، دشت، دوسرا آسمان، وارث اور مہندی عابد علی کے یادگار ڈرامے ہیں عابد علی 5ستمبر 2019ء کو 67 برس کی عمر میں انتقال کرگئے۔
