بالی ووڈ اداکارہ جیکولین فرنینڈس کی والدہ چل بسیں

ممبئی(ڈیلی پاکستان آن لائن)سری لنکا سے تعلق رکھنے والی بالی ووڈ کی نامور اداکارہ جیکولین فرنینڈس کی والد کِم فرنینڈس چل بسیں۔

بھارتی میڈیا کی رپورٹ کے مطابق اداکارہ کی والدہ نے ہفتے کی شب ممبئی کے لیلاوتی ہسپتال میں اپنی آخری سانسیں لیں، کِم فرنینڈس کو 24 مارچ کو دل کا دورہ پڑا تھا جس کے بعد سے وہ ہسپتال میں داخل تھیں۔

جیکولین فرنینڈس والدہ کے آخری ایام میں ان کے ساتھ ہی موجود تھیں، اداکارہ نے گزشتہ ماہ اسی وجہ سے آئی پی ایل کی افتتاحی تقریب میں پرفارم کرنے سے بھی معذرت کرلی تھی۔

 کِم فرنینڈس ملائیشین اور کینیڈین نژاد تھیں جو  بحرین میں ایک ائیر ہوسٹس کے طور پر کام کرچکی ہیں، ان کی ملاقات 1980 کی دہائی میں ایک سری لنکن ایلروئے فرنینڈس سے ہوئی۔

بھارتی میڈیا کے مطابق 1985 میں پیدا ہونے والی جیکولین اپنے والدین کے چار بچوں میں سب سے چھوٹی ہیں جن میں 2بھائی اور  1 بہن شامل ہیں۔جیکولین فرنینڈس نے بالی ووڈ میں سوجوئے گھوش کی 2009 کی فینٹسی ایکشن کامیڈی الہٰ دین سے ڈیبیو کیا تھا۔