فیصل آباد: 13 سالہ کمسن لڑکے نے دوران ڈرائیونگ ٹک ٹاک بناتے ہوئے 8 سالہ بچے کو کچل دیا

فیصل آباد(ڈیلی پاکستان آن لائن )فیصل آباد میں گاڑی کی ٹکر سے 8 سال کا بچہ جاں بحق ہوگیا۔
نجی ٹی وی جیو نیوز نے پولیس کے حوالے سے بتایا کہ یہ واقعہ فیصل آباد کے علاقے مدینہ ٹاون میں پیش آیا جہاں 13 سالہ کمسن لڑکا گاڑی چلا رہا تھا۔
پولیس نے بتایا کہ 13 سالہ کمسن لڑکا گاڑی چلاتے ہوئے ٹک ٹاک ویڈیو بنا رہا تھا کہ اس نے 8 سالہ بچے کو گاڑی کی ٹکر مار دی جس سے بچہ جاں بحق ہوگیا۔
پولیس کا کہنا ہے کہ واقعے کی اطلاع ملتے ہی فوری کارروائی کرکے گاڑی چلانے والے لڑکے اور اس کی ویڈیو بنانے والے کو بھی گرفتار کرکے مقدمہ درج کرلیا۔