چچا کی لومیرج پر2 بھتیجیوں کو سزا،معاملہ عدالت پہنچ گیا 

ٹھٹھہ(ڈیلی پاکستان آن لائن )ٹھٹھہ میں بااثر افراد نے چچا کی پسند کی شادی پر وڈیرے کو جرمانے کے طور پر 2 بچیاں دینے کا فیصلہ کیا ہے۔
 روز نامہ "جنگ ک"ے مطابق آمری سٹاپ کی رہائشی 2 بچیاں ماں کے ہمراہ سیشن کورٹ پہنچ گئی۔سیشن عدالت نے بچیوں کو تحفظ دینے اور چائلڈ میرج ایکٹ کے تحت کارروائی کر کے رپورٹ دینے کا بھی حکم دیا ہے۔لڑکیوں نے عدالت میں بیان دیا کہ ابھی زیرِ تعلیم ہیں اور اس معاملے سے ہمارا کوئی تعلق نہیں۔
دوسری جانب پولیس کا کہنا ہے کہ عدالتی حکم کے بعد وڈیرہ اور اس کے ساتھی فرار ہو گئے ہیں۔واضح رہے کہ بچیوں کے چچا ممتاز میرجت نے پسند کی شادی کی تھی، جس کے بعد بااثر افراد نے دونوں بچیوں کی شادی لڑکی کے بھائیوں سے کرانے کا حکم سنایا تھا۔