معروف پاکستانی اداکارہ کے خاوند سے 10 کلو کوکین برآمد

لاہور (ڈیلی پاکستان آن لائن)پولیس نے پاکستان کی معروف سٹیج اداکارہ نگار چوہدری کے خاوند سے 10 کلو کے قریب کوکین برآمد کی ہے۔

سی آئی اے پولیس کے مطابق دو ماہ قبل اداکارہ نگار چوہدری کے خاوند عمار بٹ عرف سپیڈی رنگے ہاتھوں پکڑے گئے تھے، ملزم کو وحدت کالونی سے گاڑی سمیت پکڑا گیا، ان کی گاڑی سے بھاری مقدار میں کوکین ملی۔

سی آئی اے پولیس نے بتایا کہ اداکارہ نگار چوہدری کے گھر سے بھی منشیات پکڑی گئی، اور ملزم نے اقرار جرم بھی کرلیا ہے۔

سی آئی اے پولیس نے مزید کہا کہ پولیس ریڈ کے دوران اداکارہ کے گھر سے بیگ پکڑے گئے جن میں منشیات موجود تھیں، منشیات کے نمونہ جات فرانزک لیب بھجوائے گئے جبکہ قانونی کارروائی تاحال جاری ہے۔