صدر اور وزیرِ اعظم سیکرٹریٹ نے جے یو آئی سے دھوکا کیا:لیاقت بلوچ
صوابی ( ڈیلی پاکستان آن لائن )جماعتِ اسلامی کے نائب امیر لیاقت بلوچ کا کہنا ہے کہ ایوانِ صدر اور وزیرِ اعظم سیکرٹریٹ نے جے یو آئی سے دھوکا کیا۔
ایک بیان میں لیاقت بلوچ نے کہا ہے کہ مدارس رجسٹریشن کے مسئلے کا حل تمام مدارس کا متفقہ مطالبہ ہے۔انہوں نے مطالبہ کیا کہ 26 ویں آئینی ترمیم کے تنازع پر سپریم کورٹ کا فل بینچ بنایا جائے۔
لیاقت بلوچ کا کہنا ہے کہ کرم میں امن کے لئے طویل مدت کے لئے فائز بندی کا خیر مقدم کرتے ہیں۔
واضح رہے کہ جمعیت علمائے اسلام (جے یو آئی) ف کے سربراہ مولانا فضل الرحمٰن نے صاف بتا دیا ہے کہ ابھی لانگ مارچ کا فیصلہ نہیں کیا لیکن 8 تاریخ کو فیصلہ سنا دیں گے۔
صوابی میں خطاب کے دوران سربراہ جے یو آئی نے کہا تھا کہ ایک شخص جو بل کا ڈرافٹ بنانے میں شریک رہا ہے، آج اس کو اعتراضات ہیں؟ اسے بد دیانتی نہ کہا جائے تو کیا نام دیں؟
دوسری جانب مولانا فضل الرحمٰن نے وزیرِ اعظم شہباز شریف کو مدارس رجسٹریشن بل پر تحفظات سے آگاہ کیا ہے۔
جے یو آئی کے مطابق وزیرِ اعظم نے بل پر تمام تحفظات دور کرنے کی یقین دہانی کروائی تھی۔
