علی امین گنڈا پور پارٹی احتجاج اور جلسوں پر اب تک کتنے کروڑ خرچ کرچکے؟ تفصیلات سامنے آگئیں

پشاور(ڈیلی پاکستان آن لائن ) وزیراعلیٰ خیبرپختونخوا علی امین گنڈاپور نے تحریک انصاف کے جلسوں اور احتجاج پر اب تک 50 کروڑ روپے خرچ کردیئے۔
نجی ٹی وی" جیو نیوز" نے ذرائع کے حوالے سے بتایا کہ وزیراعلی خیبرپختونخوا نے جلسوں اور احتجاج پر 50 کروڑ روپے سے زیادہ خرچ کیے جبکہ احتجاج کے دوران جلائی گئی مشینری اور دیگر نقصانات کی ادائیگی وزیراعلیٰ نے اپنی جیب سے کی۔ 
ذرائع کا کہنا ہے کہ کل ہونے والے جلسے کے لیے بھی وزیراعلیٰ نے پارٹی کو 50 لاکھ روپے دیے ہیں جبکہ قافلے میں شامل سینکڑوں گاڑیوں کے کرایوں کی ادئیگی کردی گئی ہے، ڈی آئی خان ریجن سے کل بڑا قافلہ عمر امین کی قیادت میں صوابی پہنچے گا۔ 
اس حوالے سے ترجمان وزیراعلیٰ کے پی فراز مغل نے نجی ٹی وی" جیو نیوز" سے گفتگو میں کہا کہ علی امین گنڈاپور نے اخراجات اپنی جیب سے ادا کیے ہیں، کل ہونے والے جلسے کے لیے بھی وزیراعلیٰ نے فنڈ دیا ہے اور وہ پارٹی کے لیے کام کرتے رہیں گے۔