مرغی کے گوشت کی قیمت میں حیران کن کمی
لاہور(ڈیلی پاکستان آن لائن)مرغی کا گوشت مزید سستا ہو گیاجبکہ انڈوں کی قیمت بڑھ گئی۔
نجی ٹی وی چینل ہم نیوز کے مطابق لاہور میں مرغی کاگوشت مزید 7 روپے سستا ہو گیا ہے جس کے بعد فی کلو قیمت 504 روپے کی سطح پر آ گئی ہے۔
زندہ برائلر مرغی کی قیمت میں بھی پانچ روپے کی کمی ہوئی ہے جس کے بعد تھوک ریٹ 334 روپے کلو جبکہ پرچون ریٹ 348 روپے کلو ہو گیا ہے۔انڈوں کی قیمت میں مزید ایک روپے کا اضافہ ہونے سے فی درجن انڈے 325 روپے کے ہو گئے ہیں۔
ملتان میں برائلر مرغی کا تھوک ریٹ 330 روپے کلو، پرچون ریٹ 343 روپے کلو، گوشت 495 روپے کلو ہے جبکہ انڈے 316 روپے درجن فروخت ہو رہے ہیں۔فیصل آباد میں زندہ برائلر مرغی 345 روپے کلوجبکہ مرغی کے فی کلو گوشت کے نرخ 500 روپے ہیں جبکہ انڈوں کی قیمت 325 روپے درجن ہے۔
سندھ اینڈ بلوچستان پولٹری فارمرز ایسوسی ایشن کے مطابق کراچی میں زندہ مرغی کا ریٹ 382 روپے کلو جبکہ گوشت فی کلو 593 روپے کا ہے۔
