ڈیرہ غازی خان،سکول وین اور ٹرک میں تصادم ،پرنسپل اور 3 خواتین اساتذہ جاں بحق
ڈیرہ غازی خان (ڈیلی پاکستان آن لائن)سکول وین اور ٹرک کے تصادم میں پرنسپل اور 3 خواتین اساتذہ جاں بحق ہو گئیں۔
نجی ٹی وی چینل ہم نیوز کے مطابق ریسکیو حکام نے بتایا کہ حادثہ ڈیرہ غازی خان کے علاقے سخی سرور ٹول پلازہ کے قریب پیش آیا۔حادثے میں 6 خواتین ٹیچرز زخمی ہوگئیں، جاں بحق اساتذہ کی لاشوں اور زخمیوں کو ہسپتال منتقل کردیا گیا۔
ریسکیو کے مطابق جاں بحق ہونیوالوں میں پرنسپل سید امجد، ٹیچرز کرن ، نوشین اور طاہرہ شامل ہیں۔
