گھروں میں کام کا جھانسہ دے کرلڑکیوں کو بلیک میل کرنے والے میاں بیوی گرفتار

راولپنڈی (ڈیلی پاکستان آن لائن )راولپنڈی پولیس نے گھروں میں کام کا جھانسہ دے کر لڑکیوں کو عصمت فروشی پر مجبور کرنے والے 3 ملزمان کو گرفتار کرلیا۔ میاں بیوی اور ان کا بیٹا شامل ہے۔
نجی ٹی وی سما کے مطابق متاثرہ لڑکی کی درخواست پر تھانہ دھمیال پولیس نے ملزمان کے خلاف مقدمہ درج کیا۔مدعیہ نے پولیس کو بتایا کہ ملزم نے اسے گھر کام کے لئے بلا کر اس کے ساتھ زیادتی کی ویڈیو بنائی اور اسے بلیک میل کیا۔
ملزم کے ساتھ اس کی اہلیہ ثمینہ اور فرزانہ نام کی عورت بھی ملوث ہے۔ مدعیہ نے بتایا کہ ملزم نے اس کی کزن کو بھی کام کے بہانے لاکر زیادتی کی اور عصمت فروشی پرمجبور کیا۔
مدعیہ کی درخواست پر تھانہ دھمیال پولیس نے ملزم عامر عباس اس کی اہلیہ ثمینہ اور بیٹے زمان کو گرفتار کرلیا۔ متاثرہ لڑکی کے میڈیکل پراسس کا آغاز کردیا گیا ہے۔