پولیس اور پی ٹی آئی کے کارکنوں میں جھڑپ

 راولپنڈی ( ڈیلی پاکستان آن لائن )اڈیالہ جیل راولپنڈی کے قریب ناکے پر پولیس اور پی ٹی آئی کے کارکنوں میں جھڑپ کی اطلاعات موصول ہوئی ہیں ۔

تفصیلات کے مطابق پی ٹی آئی کارکنوں کی جانب سے پولیس پر پتھراؤ کیا گیا، جس کے بعد کئی کارکنان گرفتار کرلیے گئے۔"جنگ " کے مطابق راولپنڈی پولیس کے کارکنوں کی گرفتاری کے عمل کے دوران پی ٹی آئی کے رہنما ناکے سے فرار ہوگئے۔بعدازاں اپوزیشن لیڈر عمر ایوب کی یقین دہانی پر پولیس نے گرفتار کارکنان کو چھوڑ دیا۔

دوسری جانب  یہ اطلاعات بھی ہیں کہ بانی پی ٹی آئی کی تینوں بہنوں کو حراست میں لے لیا گیا ہے ۔ پولیس حکام نے بانی پی ٹی آئی کی تینوں بہنوں کو حراست میں لے  کروین میں بٹھالیا۔پولیس حکام کی طرف سے حراست میں لیے گئے دیگر رہنماؤں میں صاحبزادہ حامد رضا، عالیہ حمزہ ، نادیہ خٹک اور بانی چیئرمین کے کزن قاسم خان بھی شامل ہیں۔