سعودی خاتون تائیکوانڈو کھلاڑی نے اسرائیلی حریف کو شکست دیدی

پیرس( ڈیلی پاکستان آن لائن ) پیرس اولمپکس میں خواتین کے تائیکوانڈو مقابلے میں سعودی عرب کی ایتھلیٹ دنیا ابو طالب نے اسرائیلی حریف کو شکست دیکر کوارٹر فائنل میں رسائی حاصل کر لی۔
عرب میڈیا کے مطابق فرانس کے دارالحکومت پیرس میں گزشتہ روز ہونیوالے ویمنز تائیکوانڈو انڈر 49 کلوگرام ویٹ کلاس کے راو¿نڈ آف 16 مقابلے میں دنیا ابو طالب نے اسرائیلی ایتھلیٹ ابیشگ سیمبرگ کو 1-2 سے شکست دی۔دنیا ابو طالب کو مقابلے کے پہلے راو¿نڈ میں 2-6 سے شکست ہوئی تھی تاہم دوسرے اور تیسرے راو¿نڈ میں انہوں نے ابیشگ سیمبرگ کو 4-5 اور 0-10 سے شکست دی جس کے بعد اسرائیلی خاتون ایتھلیٹ اشکبار ہو گئیں۔