ملک بھر میں آج اور کل بجلی کی بلاتعطل فراہمی کا اعلان، فیلڈ سٹاف کی چھٹیاں منسوخ
لاہور (این این آئی) بجلی کی تقسیم کار کمپنیوں نے الیکشن کے روز بلا تعطل بجلی فراہم کرنے کا اعلان کردیا۔بجلی کی تقسیم کار کمپنیوں کے حکام نے اپنے بیان میں بتایا ہے ہیڈکوارٹرز میں خصوصی مانیٹرنگ سیل قائم کر دیئے گئے ہیں جبکہ فیلڈ سٹاف کی چھٹیاں منسوخ کرکے ہنگامی ڈیوٹیاں لگادی گئی ہیں، تمام اضلاع میں پولنگ ڈے پر ہزاروں ملازمین فرائض سرانجام دیں گے اور بجلی کی بلاتعطل فراہمی کیلئے تیاریاں مکمل ہیں۔حکام نے مزید بتایا 8اور 9فروری کو بجلی کی بلاتعطل فراہمی کو یقینی بنایا جائیگا، اس سلسلے میں کنٹرول رومز قائم کر دیئے گئے ہیں اورعملہ الیکشن کے روز ہائی الرٹ رہیگا۔
بجلی فراہمی اعلان
