برطانیہ: 200 ملین پاونڈ منی لانڈرنگ کیس، 4 افراد کو قید کی سزائیں
لندن (ڈیلی پاکستان آن لائن )برطانیہ کی تاریخ کی سب سے بڑی منی لانڈرنگ میں ملوث مجرمان کو قید کی سزا سنادی گئی ہے۔
روز نامہ جنگ نے برطانوی میڈیا کے حوالے سے بتایا کہ 200 ملین پاونڈ کی منی لانڈرنگ کیس میں 4 افراد کو جیل کی سزا سنائی گئی ہے۔
جرم ثابت ہونے پر گریگوری فرینکل کو 11 سال 8 ماہ، ارجن ببر کو 11 سال، ڈینئل راوسن کو 10 سال 10 ماہ اور ہارون رشید کو 10 سال قید کی سزائیں سنائی گئی ہیں۔
رپورٹس میں بتایا گیا کہ مجرمان پر الزام تھا کہ انہوں نے رقم کے ذرائع چھپائے، رقم سے سونا خریدا اور خلیجی ممالک بھیجا۔
