پاکستانی لیجنڈ کرکٹرعبدالقادر آئی سی سی ہال آف فیم میں شامل
دبئی (ڈیلی پاکستان آن لائن )پاکستان کے لیجنڈ کرکٹر لیگ سپنر عبدالقادر کو انٹر نیشنل کرکٹ کونسل نے آئی سی سی ہال آف فیم میں شامل کر لیا ہے ۔
تفصیلات کے مطابق انٹر نیشنل کرکٹ کونسل نے مرحوم عبدالقادر کی خدمات کا اعتراف کرتے ہوئےان کا نام ہال آف فیم میں شامل کر لیا ہے ، لیگ سپنر عبدالقادر کے ساتھ ویسٹ انڈیز کے شیونرائن چندرپال اور انگلینڈ کی شیرلوٹ ایڈورڈز کو بھی ہال آف فیم کا حصہ بنایا گیا ہے۔
A Pakistan legend, England trailblazer and West Indies great are the three latest additions to the ICC Hall Of Fame ????https://t.co/CXb6Z2qgVN
— ICC (@ICC) November 8, 2022
عبدالقادر کے بیٹے عثمان قادر نے والد کا نام آئی سی سی ہال آف فیم میں شامل کرنے پر شکریہ ادا کیا، ان کا کا کہنا تھا کہ یہ ہماری فیملی کے لیے بہت یاد گار لمحہ ہے، والد حیات ہوتے تو آج وہ یہ ایوارڈ ملنے پر بہت خوش ہوتے۔
A Pakistan legend, England trailblazer and West Indies great are the three latest additions to the ICC Hall Of Fame ????https://t.co/CXb6Z2qgVN
— ICC (@ICC) November 8, 2022
پاکستان کے جادوگر لیگ سپنر کا شاندار کرکٹ کیریئر 13سال پر محیط تھا، عبدالقادر کے بین الاقوامی کیریئر میں باؤلنگ کا جادو کرکٹ کی دنیا پر چھایا رہا، عبدالقادر نے 67 ٹیسٹ میچوں میں 236 ،جبکہ 104 ون ڈے میچوں میں 132 وکٹیں لیں ، عبدالقادر کے پاس 56 رنز دیکر 9 وکٹیں حاصل کرنے کا قومی ریکارڈ بھی ہے۔
عبدالقادر آئی سی سی ہال آف فیم میں شامل ہونے والے ساتویں پاکستانی ہیں ، اس سے قبل ظہیر عباس، وقار یونس، عمران خان، حنیف محمد، جاوید میانداد اور وسیم اکرم بھی ہال آف فیم میں شامل ہو چکے ہیں۔
