چیئر مین پی سی بی محسن نقوی کا قذافی سٹیڈیم اپ گریڈیشن پراجیکٹ کے تعمیراتی کاموں کا جائزہ

لاہور(سپورٹس رپورٹر)قذافی سٹیڈیم اپ گریڈیشن پراجیکٹ تیزی سے تکمیل کی جانب بڑھ رہا ہے۔100 سے زائد گاڑیوں کی پارکنگ کے لیے بیسمنٹ کومکمل کر لیا گیا ہے۔ انکلوژرز میں نئی نشستوں کے لیے سٹرکچر کا کام شروع ہو گیا ہے۔چیئرمین پاکستان کرکٹ بورڈ محسن نقوی نے سٹیڈیم کا دورہ کیا۔چئیرمین پی سی بی محسن نقوی نے مین بلڈنگ  اور  انکلوژرز  میں تعمیراتی کاموں کا معائنہ بھی کیا. چئیرمین پی سی بی محسن نقوی نے فلورز میں جاری کاموں کا جائزہ لیا اور کمروں میں ٹائلز کی تنصیب بھی شروع ہو گئی ہے۔چیئرمین پی سی بی محسن نقوی نے خندق کے گرد گرل کو دیدہ زیب بنانے کی ہدایت کرتے ہوئے کہا کہ   گرل کی تنصیب سے شائقین کرکٹ کا میچ دیکھنے کا ویو متاثر نہیں ہونا چاہیئے۔چیئرمین پی سی بی محسن نقوی نے فار اینڈ پر انکلوژرز میں نشستوں کی تعمیر کے لیے بنائے جانے والے سٹرکچر کا بھی معائنہ کیا ۔

چیئرمین پاکستان کرکٹ بورڈ  نے تعمیراتی کاموں پر پیش رفت پر اطمینان کا اظہار کیا۔ چیئرمین پی سی بی محسن نقوی نے کہا کہ انشاء اللہ پراجیکٹ وقت پر مکمل ہو گا۔پوری ٹیم دن رات محنت کر رہی ہے ۔ انہوں نے پراجیکٹ کے حوالے سے ایف ڈبلیو او کے حکام کو ہدایات دیں۔پراجیکٹ ڈائریکٹر ایف ڈبلیو او نے پراجیکٹ پر پیش رفت کے بارے میں بریفنگ دی،ایڈوائزر عامر میر، بلال افضل، چیف آپریٹنگ آفیسر سلمان نصیر، ڈائریکٹرز انفراسٹرکچر، ڈومیسٹک کرکٹ، نیسپاک، ایف ڈبلیو او کے متعلقہ حکام بھی اس موقع پر موجود تھے۔