دپیکا پڈوکون کے ہاں پہلی اولاد کی پیدائش، بیٹی ہوئی یا بیٹا؟ خبرآگئی
ممبئی(ڈیلی پاکستان آن لائن)بالی ووڈ کی سٹار جوڑی دیپیکا پڈوکون اور رنویر سنگھ کے ہاں بیٹی کی آمد ہوئی ہے،دونوں بیٹی کی پیدائش پر خوش ہیں۔
تفصیلات کے مطابق گزشتہ روز دیپیکا پڈوکون اپنی والدہ اور شوہر کے ہمراہ ممبئی کے ایچ این ریلائنس ہسپتال پہنچی تھی۔دیپیکا پڈوکون کے ہسپتال جانے کی خبر جیسے ہی سوشل میڈیا پر وائرل ہوئی تو اداکارہ کے مداحوں نے خوشی کا اظہار کرتے ہوئے ان کے لیے نیک خواہشات کا اظہار کیا تھا۔
بالی ووڈ کی سٹار جوڑی کے ہاں بیٹی کی پیدائش پر شوبز شخصیات اور مداحوں کی جانب سے مبارکبادوں کا تانتا بندھ گیا۔ہندوستان ٹائمز کے مطابق جوڑی کے ہاں بیٹی کی پیدائش ہوئی ہے ۔
یاد رہے کہ دیپکا اور رنویر سنگھ نے فروری میں اپنی انسٹاگرام پوسٹ میں امید سے ہونے کی نوید سنائی تھی۔
