پنجاب میں ڈرون سے ماحولیاتی نگرانی کے پہلے سیٹلائٹ سے جڑے جدیدنظام نے کام شروع کر دیا

لاہور( ڈیلی پاکستان آن لائن )جدید ٹیکنالوجی اور ڈرون سے پنجاب میں ماحولیاتی نگرانی کے پہلے سیٹلائٹ سے جڑے نظام نے کام شروع کر دیا ۔
 تفصیلات کے مطابق ماحولیاتی قانون کی خلاف ورزی اور دھوئیں کے اخراج پر چھاپوں کا آغاز  ہو گیا ،محمکہ ماحولیات نے ڈرون ٹیکنالوجی کی مدد سے 2 فیکٹریاں بند کرا دیں ,ڈرون کے ذریعے دھواں پھیلانے اور ماحولیاتی قانون پر عمل نہ کرنے والی فیکٹریوں کا سراغ لگایا گیا .شیخوپورہ روڈ گوجرانوالہ پر 2فیکٹریوں پر محکمہ ماحولیات کا ضلعی انتظامیہ کے ہمراہ چھاپہ مارا گیا ، بھٹی گرا کر فیکٹریاں سیل کر دی گئیں ۔

سینیئر وزیر پنجاب مریم اورنگزیب نے محکمہ ماحولیات اور ضلعی انتظامیہ کو شاباش دیہے اور کہا ہے کہ وزیر اعلیٰ مریم نواز کی ہدایت پر سموگ آنے سے پہلے پیشگی بچاؤ مہم مزید تیزی سے آگے بڑھائیں گے۔ان وجوہات کا خاتمہ کرنا ہے جس کی وجہ سے سموگ ہوتی ہے اور ہر سال اڑھائی لاکھ لوگوں کی جان چھین لیتی ہے۔

سینئر وزیر پنجاب مریم اورنگزیب نے  اپیل کی کہ  اڑھائی لاکھ زندگیاں چھیننے والی سموگ کے خاتمے میں پنجاب کا ہر شہری مدد کرے۔