ٹی وی چینلز کی ریٹنگز پہلی مرتبہ منظر عام پر ..
عثمان تنویر
آپ مختلف ٹی وی چینلز پر مختلف اوقات میں اپناپسندیدہ ٹاک شو یا پروگرام دیکھتے ہیں لیکن کیا کبھی آپ نے یہ جاننے کی کوشش کی ہےکہ کون سا چینل یا پروگرام سب سے زیادہ دیکھا جاتاہے یعنی کون سے پروگرام کی ریٹنگ سب سے زیادہ ہے اور دیگر چینلزکے پروگرامزکس سے نمبرز پر ہوتے ہیں ۔
پاکستان کی واحد میڈیا ریٹنگ ایجنسی(Kantar Media (Media Logicیہ سہولت فراہم کرتی ہے کہ مقررہ وقت میں سب سے زیادہ دیکھے جانے والا پروگرام کونسا اور کس چینل کا ہے۔کنٹار میڈیا مخصوص مشینیں ملک بھر میں مختلف گھروں کے ٹیلی ویژن میں لگاتاہے جس کے ذریعے معلومات اکھٹی کی جاتی ہیں اور اسے انتہائی خفیہ رکھا جاتاہے،اس کے بارے میں صرف کمپنی کو معلوم ہوتا ہے۔
یہ ریٹنگ ٹی وی چینلز کیلئے بہت اہمیت کی حامل ہوتی ہیں کیونکہ اس کے ذریعے ٹی وی چینلز کو اشتہارات ملتے ہیں جوکہ کسی بھی ٹی وی چینل کا ذریعہ آمدن ہو تاہے ۔
تاہم یہ ریٹنگ صارفین کیلئے ایک معمہ ہے اور اس کے بارے میں کوئی نہیں جانتا کہ سب سے زیادہ دیکھے جانے والے پروگرام کونسے ہیں لیکن اب روزنامہ پاکستان آپ کو آپ کے پسندیدہ پراگرام کی ریٹنگ کے بارے میں معلومات فراہم کرے گا ۔نیچے دیئے گئے گراف میں بآسانی سمجھا جاسکتاہے کہ ہفتے کے آخری دنوں اور باقی دنوں میں مجوزہ وقت پر کس ٹی وی چینل کا کونسا پروگرام سب سے زیادہ دیکھا گیا اور کس کی ریٹنگ کم رہی ۔یہ ریٹنگ 25تا31جنوری 2016تک ہونے والے پروگرامز کی ہیں ۔
وہ پروگرام جو پیرتا جمعرات تک نشرکیے جاتے ہیں
وقت 7pmتا 8pm
پیر تا جمعرات شام 7 سے 8 کے درمیان میں لگنے والے پروگرامز میں سب سے زیادہ دیکھنے جانے والا پروگرام دنیا نیوز کا ’نقطہ نظر ‘رہا۔
وقت8pmتا 9pm
پیر تا جمعرات اس مجوزہ وقت میں دنیا نیوز اور جیونیوز نے ایک جیسی ریٹنگ حاصل کی یعنی دنیا نیوز کا ’آن دی فرنٹ ود کامران شاہد‘اور جیوز نیوز کا پروگرام ’کیپٹل ٹالک‘سب سے زیادہ دیکھے جانے والے پروگرام رہے ۔
وقت9pmتا 10pm
پیر تا جمعرات اس وقت میں سب سے زیادہ ریٹنگ جیونیوز کی رہی کیونکہ صارفین نے دیگر چینلز کی نسبت جیونیوز پر خبریں سننے کو ترجیح دی۔
وقت10pmتا11pm
پیر تا جمعرات اس مجوزہ وقت میں لگنے والے مختلف چینلز کے پروگرام میں سب سے زیادہ جیونیوز کا پراگرام ’آج شاہ زیب خانزدہ کے ساتھ‘دیکھا گیا ۔
وقت11pmتا12am
پیر تا جمعرات اس وقت میں صارفین نے دیگر چینلز کو چھوڑتے ہوئے سماءنیوز پر کرائم سٹوریز کا پروگرام ’کورٹ نمبر 5‘دیکھنے کو جیح دی اور سب سے زیادہ ریٹنگ حاصل کرنے والا چینل رہا ۔
وہ پروگرام جوکہ ہفتے کے آخری دنوں جمعہ تا اتوار کو نشر کیے جاتے ہیں
وقت 7pmتا 8pm
ہفتے کے آخری دنوں میں ا س وقت صارفین نے اے آر وائے نیوز کے پروگرام ’سر عام ‘ دیکھنے کو ترجیح دی اور سب سے زیادہ ریٹنگ حاصل کرنے والا پروگرام رہا ۔
وقت8pmتا 9pm
اس وقت میں دنیا نیوز نے بازی ماری اور سب سے زیادہ دیکھے جانے والا پروگرام ’ٹونائٹ ود معید پیر زادہ ‘رہا ۔
وقت9pmتا 10pm
ہفتے کے آخری دنوں میں صارفین نے اس مجوزہ وقت میں دیگر ٹی وی چینلز کی بدولت جیونیوز پر خبریں سننے کو تر جیح دی ۔
وقت10pmتا11pm
ہفتے کے آخری دنوں میں جیونیوز نے سب سے زیادہ ریٹنگ حاصل کی ،اس وقت میں لگنے والے پروگرام ’جرگہ‘اور ’جگنو‘عوام میں مقبول رہے۔
وقت11pmتا12am
ہفتے کے آخری دنووں میں مجوزہ وقت پر صارفین نے سماءنیوز پر کرائم شو دیکھنے کو ترجیح دی جس کے باعث سب سے زیادہ ریٹنگ سماءکی رہی ۔
