دینہ: راولپنڈی سے لاہور جانیوالی ٹرین حادثے سے بال بال بچ گئی ، 3 بوگیاں پٹڑی سے اتر گئیں

دینہ ( ڈیلی پاکستان آن لائن ) راولپنڈی سے لاہور جانے والی ریل گاڑی کی 3 بوگیاں اچانک پٹڑی سے اتر گئیں۔
نجی ٹی وی دنیا نیوز نے ریلوے انتظامیہ کے حوالے سے بتایا کہ مسافروں سے بھری ریل گاڑی راولپنڈی سے لاہور جا رہی تھی کہ دینہ کے قریب بوگیاں پٹڑی سے اتر گئیں، حادثے سے کوئی بھی جانی نقصان نہیں ہوا۔
ریلوے حکام کا کہنا ہے کہ حادثہ کی وجہ تا حال معلوم نہیں ہو سکی ہے۔