پولیو کے100فیصد خاتمے کا ہد ف پورا کریں گے:وزیر اعلیٰ پنجاب
لاہور( ڈیلی پاکستان آن لائن )وزیر اعلیٰ پنجاب مریم نواز نے انسداد پولیو مہم کے آغاز پر اپنے خصوصی پیغام میں کہاہے کہ پنجاب میں پولیو کے100فیصد خاتمے کا ہد ف پورا کریں گے۔والدین بچوں کو پولیو کے خاتمے کے لئے ویکسین کے قطرے ضرور پلائیں۔پنجاب کے 14اضلاع میں انسداد پولیو ویکسی نیشن مہم کی کامیابی کے لئے مربوط کاوشیں کی جائیں۔پنجاب کو پولیو فری بنانا ہمارا عزم ہے۔پولیومعصوم بچوں کے سنہرے خواب مفلوج کردیتا ہے۔خلوص نیت سے کام کرنے والا ہر پولیو ورکرہیرو ہے۔پولیو مہم کی کامیابی کے لئے ہر فرد اپنا بھرپور کردار ادا کرے۔
