لاہور سے لاپتہ 14 سالہ لڑکی سندھ میں پڈعیدن تھانے پہنچ گئی

پڈعیدن(ڈیلی پاکستان آن لائن ) لاہور سے لاپتہ  ہونے والی 14 سال کی لڑکی سندھ میں پڈعیدن تھانے پہنچ گئی۔
پولیس کے مطابق لڑکی نے اپنے بیان میں کہا کہ ماموں سے ناراض ہو کر داتا دربار پہنچی تھی، ایک خاتون بیٹی بنانے کا جھانسہ  دے کر پڈعیدن لے آئی، پڈعیدن لاکر خاتون نے اپنے بیٹے سے میرا زبردستی نکاح کروا دیا۔
لڑکی نے بیان میں کہا کہ میں اپنے گھر حاجی کیمپ لاہور جانا چاہتی ہوں، لڑکی کے بیان پر تفتیش کی جا رہی ہے، لڑکی کے ماموں سے لاہور میں رابطہ کیا گیا ہے، کل عدالت میں پیش کیا جائے گا۔