بلوچستان یونیورسٹی کے ملازمین کو تنخواہیں نہ مل سکیں ،یونیورسٹی کے باہر عید پر بھی مظاہرہ
سورس: فائل فوٹو
کوئٹہ ( ڈیلی پاکستان آن لائن ) بلوچستان یونیورسٹی کے ملازمین نے تنخواہیں نہ ملنے پر یونیورسٹی کے باہر عید پر بھی مظاہرہ کیا۔مظاہرے میں بلوچستان یونیورسٹی کے اساتذہ، انتظامی اوردیگر عملے نے شرکت کی۔"جنگ " کے مطابق پروفیسر کلیم نے کہا کہ بلوچستان یونیورسٹی ملازمین کو 4 میں سے ایک ماہ کی تنخواہ ملی، وہ قرضوں میں چلی گئی۔جوائنٹ ایکشن کمیٹی نے یونیورسٹی کا مالی بحران حل اور 3 ماہ کی تنخواہوں کی ادائیگی کا مطالبہ کر دیا۔
رکن صوبائی اسمبلی آغا عمر احمد زئی نے مظاہرے میں شریک ہو کر اظہار یکجہتی کی۔
