پولیس نے علی امین گنڈا پور اور بشریٰ بی بی کے وارنٹ گرفتاری حاصل کرلیے
اسلام آباد(ڈیلی پاکستان آن لائن) پولیس نے وزیر اعلیٰ خیبر پختونخوا علی امین گنڈا پور اور سابق خاتون اول بشریٰ بی بی کے وارنٹ گرفتاری حاصل کرلیے۔سماء نیوز کے مطابق انسداد دہشتگردی کورٹ کے جج طاہرعباس سِپرا نے تھانہ رمنا میں درج مقدمہ میں وزیر اعلیٰ خیبر پختونخوا علی امین گنڈا پور اور سابق خاتون اول بشریٰ بی بی کے وارنٹ گرفتاری جاری کردیے۔عدالت کی جانب سے ایم این اے شاہد خٹک اور ایم پی اے سہیل آفریدی کے وارنٹ گرفتاری بھی جاری کیے گئے ہیں۔وارنٹ گرفتاری کیلئے پولیس کی جانب سے درخواست دی گئی تھی جسے عدالت نے منظور کرلیا ۔
