عمران خان کے ہاتھوں کلبھوشن یادیو کو این آر او ؟ غریدہ فاروقی کا تہلکہ خیز دعویٰ
اسلام آباد (ڈیلی پاکستان آن لائن) اینکر پرسن غریدہ فاروقی نے دعویٰ کیا ہے کہ وزیر اعظم عمران خان کے دورِ حکومت میں بھارتی جاسوس کلبھوشن یادیو کو این آر او دینے کا آغاز کردیا گیا ہے۔
اپنے ایک ٹویٹ میں غریدہ فاروقی نے کہا کہ بھارتی جاسوس کلبھوشن یادیو کیلئے ریلیف کا آرڈیننس پی ٹی آئی حکومت نے آج قومی اسمبلی میں پیش کردیا ہے۔
غریدہ فاروقی کے مطابق "آئی سی جے ریویو اینڈ ری کنسڈریشن آرڈیننس 2020" کے نام سے قومی اسمبلی میں پیش کیا گیا آرڈیننس کلبھوشن یادیو کیلئے این آر او ہے جو کہ عمران خان حکومت کے ہاتھوں دیا جا رہا ہے۔
بھارتی جاسوس کلبھوشن یادیو کیلئے ریلیف کا آرڈیننس پی ٹی آئی حکومت نےآج قومی اسمبلی میں پیش کردیا!!! ICJ Review & Reconsideration Ordinance 2020. بھارتی جاسوس کلبھوشن یادیو کو این آر او۔۔۔ وہ بھی عمران خان حکومت کے ہاتھوں۔۔۔!!!؟
— Gharidah Farooqi (@GFarooqi) June 10, 2021