ہتھیار پھینک کر قومی دھارے میں شامل ہونے والوں کیلئے عام معافی کا اعلان کس نے کیا؟
کوئٹہ (ڈیلی پاکستان آن لائن) وزیراعلیٰ بلوچستان سرفراز بگٹی نے ہتھیار پھینک کر قومی دھارے میں شامل ہونے والوں کیلئے عام معافی کا اعلان کر دیا۔
نجی ٹی وی جیو نیوز کے مطابق وزیراعلیٰ بلوچستان سرفراز بگٹی کا کہنا تھا کہ پہاڑوں پر موجود افراد ہتھیار پھینک کر واپس آئیں اور اب تک جن لوگوں کا نقصان کیا ہے ان سے قبائلی روایات کے مطابق معاملات طے کر لیں۔
انہوں نے یہ پیشکش بھی کی کہ حربیار مری اور براہمداغ بگٹی سمیت سب کیلئے صوبائی حکومت کے دروازے کھلے ہیں۔
