لاہور؛انسانی سمگلنگ میں ملوث 2اشتہاریوں سمیت 3ملزمان گرفتار
لاہور(ڈیلی پاکستان آن لائن)ایف آئی اے نے انسانی سمگلنگ میں ملوث 2اشتہاریوں سمیت 3ملزمان گرفتار کرلئے۔
نجی ٹی وی چینل جیو نیوز کے مطابق ترجمان ایف آئی اے کا کہنا ہے کہ خاتون ملزمہ سمیت تینوں ملزمان کو لاہور کے مختلف علاقوں سے گرفتار کیا، اشتہاری ملزمہ نے شہری کو شادی کاجھانسہ دے کر یوکے بھجوانے کیلئے 50لاکھ ہتھیائے۔
ترجمان کا مزید کہناتھا کہ ملزم نعیم کو شادمان میں ٹریول ایجنسی سے گرفتار کیا گیا،ملزم کے قبضے سے201پاکستانی پاسپورٹ برآمدہوئے،ملزم بغیرلائسنس شہریوں کو زیارتوں کیلئے ایران بھجوانے میں بھی ملوث پایاگیا،تیسرے گرفتار ملزم اشرف نے شہریوں کو بیرون ملک بھجوانے کا جھانسہ دے کر لاکھوں ہتھیائے۔
