شاہ نورانی حادثہ: ایک اور زخمی دم توڑ گیا ، جاں بحق افراد کی تعداد کتنی ہو گئی؟ جانیے

کراچی ( ڈیلی پاکستان آن لائن ) شاہ نورانی حادثے کا ایک زخمی ٹراما سینٹر کراچی میں  زخمون کی تاب نہ لاتے ہوئے دم توڑ گیا، جس کے بعد حادثے میں جاں بحق ہونے والے افراد کی تعداد 18 ہو گئی۔

تفصیلات کے مطابق جاں بحق افراد کی میتوں کو حب کے گورنمنٹ جام غلام قادر ہسپتال منتقل کیا گیا جنہیں بعد میں ایدھی سینٹر سہراب گوٹھ کے سرد خانے منتقل کیا گیا جبکہ 20 سے زائد زخمیوں کو طبی امداد فراہم کر کے کراچی منتقل کیا گیا۔پولیس کے مطابق ایمبولنسز کی تاخیر کی وجہ سے شدید زخمیوں کو پرائیویٹ گاڑیوں میں کراچی منتقل کرنا پڑا۔

حادثے کا زخمیوں ٹراما سینٹر کراچی میں طبی امداد دی جا رہی تھی کہ ایک ایک زخمی دورانِ علاج زخموں کی تاب نہ لاتے ہوئے دم توڑ گیا۔

زخمیوں میں سے بیشتر افراد کی حالت تشویش ناک بتائی جاتی ہے، ٹرک میں 45 سے زائد افراد سوار تھے جن کا تعلق سندھ کے ضلع ٹھٹھہ سے بتایا جاتا ہے۔

 واضح رہے کہ حب میں واقع درگاہ شاہ نورانیؒ کی جانب جانے والا ٹرک عیاں پیر کے قریب کھائی میں جا گرا تھا، جس کے نتیجے میں17 افراد جاں بحق ہو  گئے تھے۔ صدرِ مملکت آصف زرداری اور وزیر اعظم نے اندوہناک حادثے پر اظہارِ افسوس  کیا ہے ۔