ڈھاکہ میں زلزلے کے جھٹکے

ڈھاکہ (ڈیلی پاکستان آن لائن)بنگلا دیش کے دارالحکومت ڈھاکہ میں 4.3 شدت کے زلزلے کے جھٹکے محسوس کیے گئے ہیں  تاہم  کسی جانی یا مالی نقصان کی کوئی اطلاع نہیں ملی۔

امریکی جیولوجیکل سروسے کے مطابق ڈھاکہ میں زلزلے کے جھٹکے محسوس کیے گئے، زلزلے کی ریکٹر سکیل پر شدت 4.3 تھی، زلزلے کی گہرائی 10 کلو میٹر تھی۔"آئی این پی " کے مطابق  زلزلے کے جھٹکوں کے باعث شہریوں میں خوف و ہراس پھیل گیا، تاہم کسی جانی یا مالی نقصان کی کوئی اطلاع نہیں ملی۔بنگلا دیش محکمہ موسمیات (بی ایم ڈی)نے بھی   تصدیق کی ہے اور بتایا گیا ہے کہ زلزلے کا مرکز بی ایم ڈی سیسمک سینٹر، آگارگاﺅں، ڈھاکہ سے 105 کلومیٹر شمال مشرق میں واقع تھا۔