گجرات؛ مونس الٰہی کو اشتہاری قرار دینے کی کارروائی منسوخ کرنے کیلئے دائر درخواست خارج
گجرات(ڈیلی پاکستان آن لائن)پی ٹی آئی رہنما اور سابق وفاقی وزیر مونس الٰہی کو اشتہاری قرار دینے کی کارروائی منسوخ کرنے کیلئے دائر درخواست خارج کر دی گئی۔
نجی ٹی وی سما نیوز کے مطابق گجرات کے تھانہ منگووال قتل کیس میں عدالت نے مونس الٰہی کو اشتہاری قرار دیا تھا،قیصرہ الٰہی نے اشتہاری قرار دینے کی کارروائی کالعدم قرار دینے کی درخواست دائر کی تھی،جج نے درخواست بعدازسماعت ناقابل سماعت قراردیتے ہوئے خارج کردی،ایڈیشنل سیشن جج کی درخواست گزار کو متعلقہ عدالت سے رجوع کی ہدایت کردی۔
