ٹک ٹاک ویڈیو بنانے پر دو گروپ آپس میں لڑپڑے
ٹھٹھہ (ویب ڈیسک) میرپور ساکرو میں برادری مخالف ٹک ٹاک بنانے پر دو گروپوں میں جھگڑا ہوگیا اور لاٹھیاں چلنے کے نتیجے میں 16 سے زائد افراد زخمی ہوگئے جن میں سے 8 افراد کو نازک حالت کے سبب کراچی منتقل کر دیا گیا۔
میڈیا رپورٹس کے مطابق دو برادریوں کے نوجوانوں کے درمیان ایک دوسرے کے خلاف ٹک ٹاک بنانے پر تلخ کلامی شروع ہوئی اور تین دن سے جاری کشیدگی کے بعد آج تصادم ہوگیا۔دو گروپوں کے تصادم میں کلہاڑیوں اور لاٹھیوں کا آزادانہ استعمال کیا گیا۔
