چیمپئنز ٹرافی ، ٹیم آف ٹورنامنٹ کا اعلان ہو گیا، کتنے پاکستانی کھلاڑی شامل ؟ جانیے

دبئی (ویب ڈیسک) آئی سی سی چیمپئنز ٹرافی 2025 میں بھارت کی فتح کے بعد آئی سی سی نے ٹورنامنٹ کی بہترین ٹیم کا اعلان کر دیا جس میں ایک بھی پاکستانی کھلاڑی شامل نہیں ہے ۔

"ایکسپریس نیوز" کے مطابق ٹیم میں بھارت کے 6، نیوزی لینڈ کے 4 جبکہ افغانستان کے 2 کھلاڑی شامل ہیں۔کھلاڑیوں میں راچن رویندرا (نیوزی لینڈ)، ابراہیم زدران (افغانستان)، ویرات کوہلی (بھارت)، شریاس ایر (بھارت)، کے ایل راہل (وکٹ کیپر، بھارت)، گلین فلپس (نیوزی لینڈ)، عظمت اللہ عمرزئی (افغانستان)، مچل سینٹنر (کپتان، نیوزی لینڈ)، محمد شامی (بھارت)، میٹ ہنری (نیوزی لینڈ) اور ورون چکرورتی (بھارت) شامل ہیں۔ اکشر پٹیل (بھارت) کو 12 ویں کھلاڑی کے طور پر رکھا گیا ہے۔

واضح رہے اتوار کے روز کھیلے گئے آئی سی سی چیمپئنز ٹرافی کے فائنل میں بھارت نے نیوزی لینڈ کو 4 وکٹوں سے شکست دے کر ٹائٹل نام کیا۔