کشمیری رہنماعلی گیلانی کے داماد الطاف احمد شاہ بھارتی حراست میں انتقال کرگئے

نئی دہلی (ویب ڈیسک)   بھارت کی جیل میں غیرقانونی طور پر طویل عرصے سے قید مرحوم کشمیری رہنما علی گیلانی کے داماد اور آل پارٹیزحریت کانفرنس کے رہنما الطاف احمد شاہ انتقال کرگئے۔

کشمیر میڈیا سروس کے مطابق الطاف احمد شاہ 2017 سے دلی کی بدنام زمانہ تہاڑ جیل میں قید تھے جہاں ان کی طیبعت زیادہ خراب ہونے پر ہسپتال منتقل کیا گیا  لیکن وہ دم توڑ گئے ۔الطاف احمد شاہ کو قید کے دوران کینسر کی تشخیص ہوئی تھی اس کے باوجود بھارتی حکومت نے انہیں رہا نہیں کیا۔
بھارت کی جانب سے نظربند یا جیلوں میں اسیر رکھے گئے کشمیری رہنماؤں سمیت دیگرمسلمان قیدیوں کو علاج معالجے سمیت کسی قسم کی کوئی بنیادی انسانی ضرورت فراہم نہیں کی جاتی جس سے ان کی زندگیوں کو خطرات لاحق ہوتے ہیں۔