وفاقی  دارالحکومت میں آئین کی پامالی افسوسناک ہے:مصطفیٰ نواز کھوکھر پھر کھل کر بول پڑے

اسلام آباد ( ڈیلی پاکستان آن لائن ) اپوزیشن اتحاد تحریک تحفظ آئین پاکستان کے رہنما مصطفیٰ نواز کھوکھر  ایک بار پھر کھل کر بول پڑے۔
مصطفیٰ نواز کھوکھر نے کہا ہے کہ فارم 47 کی حکومت چھوٹی چھوٹی سرگرمیاں بھی برداشت نہیں کر پا رہی ہے۔وفاقی  دارالحکومت میں آئین کی پامالی افسوسناک ہے۔

’’جیو نیوز‘‘ سے گفتگو کرتے ہوئےمصطفیٰ نواز کھوکھر  کا مزید کہنا تھا  کہ ہمارا مقصد صرف مشاورت ہے، کوئی جلسہ یا کنونشن نہیں کر  رہے۔پولیس کی بھاری نفری تعینات کی گئی ہے اور وفاقی  دارالحکومت میں آئین کی پامالی افسوسناک ہے۔ انتظامیہ کا دباؤ وکلاء کو کانفرنس نہ کرنے کا پیغام ہے۔ جمہوری حکومتوں سے ایسے اقدامات کی توقع نہیں تھی۔