فرمودات قائداعظمؒ ہر سچے پاکستانی کیلئے مشعل راہ ،عظیم رہنما کو سلام عقیدت پیش کرتے ہیں:وزیر اعلیٰ پنجاب
لاہور ( ڈیلی پاکستان آن لائن )وزیر اعلیٰ پنجاب مریم نواز نے بانی پاکستان قائدِ اعظم محمد علی جناحؒ نے یوم وفات پر اپنے پیغام میں عظیم رہنما کو سلام عقیدت پیش کرتے ہوئے کہاکہ اللہ تعالیٰ قائد اعظم کے درجات بلند فرمائے-فرمودات قائداعظم ہر سچے پاکستانی کے لیے مشعل راہ ہیں - انہو ں نے کہاکہ قائداعظمؒ نے برصغیر کے مسلمانوں کے علیٰحدہ وطن کے خواب کی تکمیل کے لیے زندگی وقف کردی- قائد اعظمؒ سے محبت وعقیدت کا تقاضا ان کے افکار کی پیروی ہے۔انشاء اللہ پاکستان کو قائدِ اعظم کے خوابوں کی تعبیر بنائیں گے-
وزیراعلی مریم نواز نے کہاکہ اللہ تعالیٰ ہمارے وطن کو ہمیشہ سلامت رکھے اور ہمیں تعمیر و ترقی کے لیے متحد رہنے کی توفیق عطا فرمائے۔محمد علی جناحؒ کے افکار کی روشنی میں پاکستان کو عظیم ملک بنانے کے لیے محنت، ایمانداری اور دیانتداری کو شعار بنانا ہوگا -
