عمران خان سے ملاقات کے معاملات دراصل کون دیکھتا ہے؟ شیر افضل مروت نے بھانڈا پھوڑ دیا

پشاور (ویب ڈیسک) پاکستان تحریک انصاف کے سابق رہنما اور رکن قومی اسمبلی شیر افضل مروت نے کہا ہے کہ عمران سے ملاقات کے معاملات سلمان اکرم راجہ گروپ دیکھتا ہے، گروپ چاہتا ہے وہی لوگ عمران خان سے ملیں جنہیں یہ رسائی دیں۔

آج نیوز کے مطابق اپنے ایک بیان میں رکن قومی اسمبلی شیر افضل مروت نے کہا کہ ملاقاتوں کے معاملے پر سلمان اکرم راجہ گروپ گرفت چاہتا ہے، یہ چاہتے ہیں وہی عمران خان سے ملیں جنہیں یہ رسائی دیں کیونکہ یہ نہیں چاہتے کہ عمران خان کے کانوں میں ایسی باتیں پہنچے جو ان کے خلاف ہوں۔

شیر افضل مروت کا مزید کہنا تھا کہ سلمان اکرم راجہ آہستہ آہستہ سب کے پتے کاٹ رہے ہیں، مجھے تو اندیشہ ہے کہ پتے کاٹتے کاٹتے یہ عمران خان کو ہی شوکاز جاری نہ کردیں۔