شادی کے بعد دلہن کی تصویر سوشل میڈیا پر شیئر کرنے پر پولیس گھر آ پہنچی
نئی دہلی (ڈیلی پاکستان آن لائن ) شادی کے بعد دلہن کے تصویر سوشل میڈیا پر شیئر کرنے بعد پولیس گھر پہنچ گئی۔
نجی ٹی وی جیو نیوز نے بھارتی میڈیا کے حوالے سے بتایا کہ یہ واقعہ ریاست اترپردیش کے ضلع پیلی بھیت میں پیش آیا جہاں ایک دلہا نے اپنی دلہن کے ساتھ شادی کی تصویر سوشل میڈیا ویب سائٹ انسٹاگرام کی سٹوری پر شیئر کی۔
میڈیا رپورٹس کے مطابق شادی کی تصویر شیئر کرنے کے بعد پولیس کو کم عمری کی شادی کا شبہ ہوا اور وہ دلہن کے گھر پہنچ گئی۔
پولیس کے مطابق انہیں چائلڈ لائن ٹیم کی جانب سے ہدایت کی گئی کہ ایک نوجوان کی شادی کم عمر لڑکی سے کردی گئی ہے جس پر واقعے کی تحقیقات کی جائے۔
پولیس کا بتانا ہے کہ گھر پہنچنے کے بعد دلہن کے گھر والوں سے عمر سے متعلق دستاویزات دکھانے کا کہا گیا جو وہ پیش کرنے میں ناکام رہے جس کے بعد اس شادی میں ملوث افراد کو چائلڈ ویلفیئر کمیٹی کے سامنے پیش کیا گیا جن سے تحقیقات کی جارہی ہیں۔
میڈیا رپورٹس کے مطابق اس حوالے سے گاو¿ں والوں کا دعویٰ ہے کہ لڑکی کی عمر 17 سال اور 5 ماہ ہے جبکہ کم عمر کی شادی کے ایسے واقعات پہلے بھی سامنے آچکے ہیں۔
