سی ایم کمپلینٹ سیل کا انچارج بن کر سرکاری افسروں کو بلیک میل کرنے والا نوسرباز گرفتار
لاہور ( ڈیلی پاکستان آن لائن ) سی ایم کمپلینٹ سیل کا انچارج بن کر سرکاری افسروں کو بلیک میل کرنے والے نوسرباز کوگرفتارکر لیا گیا۔
سلمان نواز نامی شخص نے سی ای او ہیلتھ بہاولپور کو دھمکی آمیز فون کیا۔سلمان نواز نے سی ای او بہاولپور کو بلیک میل کرتے ہوئے 50ہزار روپے کا مطالبہ بھی کیا۔سلمان نواز نامی شہری نے مبینہ طور پر اسسٹنٹ کمشنر جامپور کو کال کرکے پیسوں کا مطالبہ کیا۔سلمان نواز خود کو انچارج کمپلینٹ سیل سی ایم آفس ہونے کا دعوے دار تھا۔
سی ایم کمپلینٹ سیل کے چیئرمین مرزا کی ہدایت پر پولیس کی فوری کارروائی عمل میں لائی گئی۔کمپلینٹ سیل کے جعلی انچارج سلمان نواز کو 24گھنٹے کے اندر گرفتار کر لیا گیا۔
